Лемківські пісні


Кед ми прийшла карта
Кед ми прийшла карта нароковать
Став я свого неня дощиковать
Ой, неню, ж мій неню, чинь ми таку волю
Ідь за мене служить на ту войну.
Кед ми прийшла карта нароковать,
Став я музиченьків дощиковать:
Гей, ви музиченьки, заграйте ми чардаш
Най я си погулям вже в останній раз!
Стали музиченьки чардаш грати,
Стали ми ся сльози з очей ляти
Ніхто не заплаче, ні отець, ні матка,
Лем за мнов заплачуть три дівчатка.
А перша заплаче, бо я єї брат,
А друга заплаче, бо я єї сват,
А третя заплаче, третя плакать мусить,
Бо вона від мене дитя носить…
Дай ми, мила, дай ми
Дай ми мила, дай ми
Хоч сім раз до раня
Гей-гой червоного вина
З білого погара.
Дай ми, мила, дай ми
Доки у ня стоїть
Гей-гой, коник вороненький
У твоїй стодолі.
Дай ми, мила, дай ми
Хоч сім раз до ночі
Гей-гой щоби наші діти
Мали карі очі.
Погаричек заспав,
Пляшечка го збудить,
Гей-гой, вставай погаричку,
Ідь помежи люди.
Я до леса
Я до леса (2 р.),
Я до леса не піду!
Древко рубаць, древко рубаць,
Гей, древко рубаць не буду.
Древко би мя забило.
Що ж би моє шварне дівча,
Гей, що би воно робило?
Гори наші, Бескиди!
Заказали пильновати
Гей, наші діди-прадіди.
Гори наші, Карпати!
Не зміняв би, не зміняв би
Я вас на жадні дукати.
Пиємо, пиємо
Пиємо, пиємо по два-тpи, по тpи дня.
Що то за паленка, же я од ней п'яна?
Штиpи фpаєpочки, по што си випили.
За тебе, Янiчку, же ми тя любили.
Дунаю, Дунаю, бистpа вода в тобi.
Не повiч дiвчатку, що я був пpи тобi!